Бишкекте 2026-жылдын 15-февралынан тартып Калинин көчөсүндөгү көпүрө убактылуу жабылат. Бул чечим жол оңдоо иштери жана реконструкция жүргүзүлүшүнө байланыштуу кабыл алынды. Бул тууралуу Патрулдук милиция кызмат башкармалыгынын басма сөз кызматы билдирди.

Ведомствонун маалыматына ылайык, көпүрөдө жол бөлүгүн кеңейтүү жана унаа агымынын өткөрүмдүүлүгүн жогорулатуу максатында реконструкция жүргүзүлөт. Иштер жүрүп жаткан мезгилде көпүрө аркылуу автотранспорттун жүрүүсү толугу менен токтотулат.

ПМКБ айдоочуларды каттамды алдын ала пландап, айланып өтүүчү альтернативдүү жолдорду тандап, жол эрежелерин сактоого жана жолдо этият болууга чакырат.